Рахмановдун айтымында, 2024-жылдын ушул эле мезгили менен салыштырганда, салыктык түшүүлөр 73,2 миллиард сомго көбөйдү, бул 130,9% өсүшкө туура келет.
«Салык тармагындагы реформалардын натыйжалары көрүнүп калды. Ушул жылдын 10 айында республикалык жана жергиликтүү бюджеттерге түшкөн каражаттар 243 миллиард сомдон ашып, өткөн жылга салыштырганда 66 миллиард сомго көп, бул 137% өсүштү түзөт. Мындан тышкары, бизге камсыздандыруу жарнадарын чогултуу боюнча ыйгарым укуктар берилди, бул жерде да оң динамика байкалууда. Белгиленген мезгилде 66 миллиард сомдон ашык каражат чогултулду, бул өткөн жылга салыштырганда 6,7 миллиард сомго көп», — деди ГНСнын орун басары.
Мирлан Рахманов кирешелердин өсүшү салык жүгүн көбөйтүү аркылуу эмес, салык төлөчүлөрдүн базасын кеңейтүү, процесстерди санариптештирүү жана салыкты өз ыктыяры менен төлөө деңгээлин жогорулатуу аркылуу мүмкүн болгонун кошумчалады. Бул натыйжалар реформалардын натыйжалуулугун жана Кыргызстандагы салык системасынын туруктуу өнүгүшүн, бизнес үчүн жагымдуу шарттарды түзүүгө жана өлкөнүн экономикалык потенциалын күчөтүүгө багытталганын тастыктап турат.
