Отчетко ылайык, шаарга төмөнкү кыймылсыз мүлк кайтарылды:
— жалпы аянты 14,7 гектар болгон 12 жер тилкеси, баасы 775,5 миллион сом;
— 3 764 чарчы метрди ээлеген 6 турак эмес жай, баасы 364,2 миллион сом.
Кошумча, муниципалдык менчикке 28,95 гектар аянтты ээлеген үч жер тилкесин кайтаруу боюнча сот чечимдери чыгарылды.
2024-жылы жалпы суммасы 119,4 миллион сомду түзгөн 106 аукцион өткөрүлдү.
Муниципалдык турак-жайларды приватизациялоо боюнча комиссиянын беш жыйыны өткөрүлүп, 75 арыз каралды, анын ичинен 48и бекитилди.
Тартылган каражаттардын эсебинен жаңы форматтагы 20 коомдук транспорттун токтотуучу жайы жаңыланды.
Административдик жана шаардык соттордун чечимдерине ылайык, «Оберон Орто-Сай» жана «Оберон Форд» базарлары Бишкек мэриясынын менчигине кайтарылды. Бул мүлктүн баасы 3 миллиард 889,6 миллион сом, жалпы аянты 8,1 гектар.
Мэрдин отчету шаар кеңешинин кароосуна сунушталды.
