Ведомствонун маалыматына ылайык, «жаныбар чарбачылыгы», «өсүмдүк чарбачылыгы» жана «суу үнөмдөөчү сугат технологиялары» багыттары боюнча кредит берүү мөөнөтү 36 айды түзөт:
— 300 миң сомго чейин камсыздандыруусуз;
— 1 миллион сомго чейин камсыздандыруу менен берилет.
Агроөнөржай техникаларын лизингге берүү мөөнөтү 84 ай, ал эми кредиттин суммасы 50 миллион сомго чейин камсыздандыруу менен болушу мүмкүн.
Долбоорлоо багыттары боюнча каралган суммалар төмөнкүдөй:
«жаныбар чарбачылыгы» — 1 миллиард 227,8 миллион сом;
«өсүмдүк чарбачылыгы» — 818,6 миллион сом;
«суу үнөмдөөчү сугат технологиялары» — 409,2 миллион сом;
«агроөнөржай техникаларын лизингге берүү» — 1 миллиард 637,1 миллион сом.
«Агроөнөржайды каржылоо — 13» долбоорунун алкагында төмөнкү кредиттер берилди:
«өсүмдүк чарбачылыгы» багыты боюнча — 898 кредит 441 миллион 19 миң сом суммасында;
«жаныбар чарбачылыгы» багыты боюнча — 5 443 кредит 3 миллиард 381 миллион 643 миң сом суммасында;
«суу үнөмдөөчү технологиялар» багыты боюнча — 24 кредит 17 миллион сом суммасында;
«лизинг» багыты боюнча — 122 кредит 253 миллион 107 миң сом суммасында.
Ошентип, жалпы 6 487 кредит 4 миллиард 92 миллион 769 миң сом суммасында берилди. Учурда мамлекеттик «Агроөнөржайды каржылоо — 13» долбоору аякталды.
