Сапар учурунда министр Дунларова көчөсүндө жайгашкан эски оорукананын имаратын карап чыкты. Эски корпусунун ордуна жаңы заманбап имарат курулат. Учурда 1939-жылы курулган оорукананы демонтаждоо боюнча долбоор даярдалып, иштер башталды.
Инфекциялык бөлүмдүн курулушунун аянты 892,4 м², кабыл алуу бөлүмүнүн аянты — 160,0 м² түзөт.
Иштерди министрликке караштуу мамлекеттик ишкана «Кыргызкурулуш» аткарууда.
Долбоорго ылайык, жаңы оорукананын эки блогу болот, анда врачтар жана бейтаптар үчүн бардык зарыл заманбап шарттар түзүлөт.
Учурдагы оорукананын имаратынын жашы 86 жылга жетет, ал эми инфекциялык оорукананын жана туберкулез диспансеринин корпусу 1965-жылы курулган.
