Ачылыш иш-чарасына Жалал-Абад облусунун Ички иштер башкармалыгынын начальниги Марлис Асанов, Чаткал районунун РОВДсынын начальниги Таалайбек Асанбеков, райондук аким Алтынбек Сенирбаев, ошондой эле жергиликтүү депутаттар, ардагерлер жана аксакалдар катышты.
Марлис Асановдун белгилегенине караганда, жаңы милиция бөлүмү айылдын тургундарына зарыл кызматтарды көрсөтөт. Кызматкерлер жарандардын кайрылууларын кабыл алып, ошондой эле Терек-Сай айылдык аймагында укук бузуулардын алдын алуу жана коопсуздукту камсыз кылуу боюнча иштерин улантышат.
Бөлүмдүн имараты жети бөлмөдөн турат, алардын бешинде жети кызматкер жайгашат. Калган жайлар эс алуу, тамактануу жана санитардык муктаждыктар үчүн арналган. Курулуш Ички иштер министрлиги тарабынан каржыланган, ал эми жер тилкеси айыл өкмөтү тарабынан берилген.
