Сапар учурунда министр Дунларова көчөсүндө жайгашкан эски оорукананын имаратын зыярат кылды. Бул эски корпусунун ордуна жаңы заманбап имарат куруу пландалууда. Учурда долбоор аякталып, 1939-жылы курулган эски оорукананын демонтаждоо иштерине киришилди.
Жаңы инфекциялык бөлүмдүн аянты 892,4 квадрат метрди, ал эми кабыл алуу бөлүмү 160 квадрат метрди түзөт деп пландалууда.
Курулуш иштерин министрликке караштуу «Кыргызкурулуш» мамлекеттик ишканасы жүргүзүүдө. Долбоорго ылайык, жаңы оорукананын имараты эки блоктон турган болуп, медициналык кызматкерлер жана бейтаптар үчүн бардык заманбап шарттар түзүлөт.
Учурдагы оорукананын имараты 86 жыл мурун курулганын, ал эми инфекциялык бөлүм жана тубдиспансер 1965-жылы кошулганын белгилеп өтүү керек.
