Алексей Оверчук Кыргызстанга жумушчу сапар менен келди.
Кыргызстан өкмөтү менен Россия өкмөтүнүн ортосундагы келишимге ылайык, өлкөдө мектептерди куруу үчүн тогуз жер тилкеси белгиленди, бул биргелешкен билим берүү демилгелерин ишке ашырууга мүмкүнчүлүк берет.
Визит учурунда Касымалиев жана Оверчук билим берүү мекемеси курулуучу жерди карап чыгышты жана анын долбоору менен таанышышты. Мектеп 1224 окуучуга ылайыкталып, үч гектар жерди ээлейт. Долбоордук иштердин сметалык баасы 35 миллион 452 миң 616 сомду түзөт.
Өкмөт ошондой эле, курулуш, архитектура жана турак-жай-коммуналдык чарба министрлиги учурда бул объектте тышкы инженердик тармактарды тартуу боюнча иштерди жүргүзүп жатканын билдирди.
Мектеп Сухэ-Батор жана Аалы Токомбаев көчөлөрүнүн кесилишинде жайгашат деп болжолдонууда.
