Комплекс С.Алиев көчөсүндө, 3-үйдө жайгашкан.
Курулуш министрлигинин маалыматына ылайык, учурда подрядчиктер фундаменттин жогорку катмарынын куюлушу менен алектенишет. Имараттын аянты 1320 чарчы метрди түзөт.
Спорттук комплекс эки кабаттуу болуп, 230 көрүүчүнү кабыл алат. Жакынкы аймакта мини-футбол аянтчасынын курулушу жана жашыл зона түзүү пландалган. Комплекс ичинде көрүүчүлөр үчүн трибуна, негизги спорт залы, машыктыруучулар үчүн бөлмөлөр жана спортчулар үчүн кийим алмаштыруучу жайлар жайгашат. Проектте авто токтотуучу зона да камтылган.
