Текшерүү учурунда министр объектте жумушчулар жетишсиз экенин жана белгиленген графиктен артта калуу бар экенин белгиледи. Бул боюнча подрядчыга расмий эскертүү берилди. Ал жумушчу күчүн жума ичинде көбөйтүп, жумуштун темпин тездетүүнү талап кылды.
Проект боюнча, жаңыланган стадион 4 миңден ашык көрүүчүнү кабыл ала алат. Анын пландарынын ичинде футбол аянты, жүгүрүү жолдору, трибуна, VIP-аймак жана оюнчулар менен машыктыруучулар үчүн бардык зарыл спорттук жайлар камтылган. Көрүүчүлөр үчүн ыңгайлуу шарттар түзүлөт, ошондой эле автоунаа токтотуучу жай каралган. Стадиондун жалпы аянты 2 456 квадрат метрди түзөт.
1980-жылы курулган стадион бир да жолу реконструкцияланган эмес. Учурдагы иштердин максаты - улуттук стандарттарга жооп берген заманбап спорттук инфраструктураны түзүү. Келечекте бул объект райондук жана республикалык спорттук иш-чаралар үчүн маанилүү аянтча болуп калат.
