Ал учурда өлкөдө тиешелүү мыйзам жок экенин, бирок Жогорку Кенештин жаңы курамы ишке киргенден кийин, бул документти талкууга чыгаруу пландалып жатканын белгиледи. Орунтаев мыйзам долбоорун иштеп чыгууда үч негизги принцип эске алынып жатканын кошумчалады.
«Эң биринчи, документ жергиликтүү калктын кызыкчылыктарын коргоого багытталган. Экинчи принцип - инвесторлордун укуктарын кепилдөө. Үчүнчү принцип - инвесторлор менен тургундардын ортосундагы өз ара аракеттешүү үчүн юридикалык ченемдерди орнотуу», - деп баса белгиледи ал.
Министр ошондой эле мыйзам долбоору даяр экенин жана жакын арада белгиленген тартипте каралышы үчүн сунушталарын айтты.
