Курулуш, архитектура жана турак-жай-коммуналдык чарба министри Нурдан Орунтаев «Элден собол» программасында өлкөнүн турак-жай фондун жаңылоо долбоору аяктаганын жана азыр Жогорку Кеңештин жаңы курамы тарабынан талкууланууну күтүп жатканын билдирди.
Ал республикада 1960–1970-жылдары курулган үйлөр бар экенин, алардын кызмат мөөнөтү өтүп кеткенин белгиледи.
«Жаңылоо зарыл. Реновация долбоору даяр, жана биз аны парламенттин жаңы курамы тарабынан каралышын күтүп жатабыз. Долбоордо негизги көңүл жарандардын укуктарына жана каалоолоруна, ошондой эле инвесторлордун кызыкчылыктарын коргоого бурулат», — деп кошумчалады министр.
Орунтаевдин айтымында, аталган долбоорду ишке ашыруу эски имараттарды заманбап жана коопсуз имараттарга акырындык менен алмаштырууга мүмкүндүк берет, бул болсо калктын турак-жай шарттарын жакшыртып, жылжымайтын мүлккө инвестиция салуу үчүн жаңы мүмкүнчүлүктөрдү ачат.
