Кыргызстанда 50дөн 55 кабатка чейинки имараттарды куруу мүмкүнчүлүгү пайда болду. Бул тууралуу «Кабар» агенттигинин каналындагы «Элден собол» программасында курулуш, архитектура жана ЖКК министринин орун басары Талант Иманакун уулу жаңы маалыматтарды бөлүштү.
Мурда курулуш компаниялары 27 кабаттан ашпаган имараттарды куруу менен чектелишчү, анткени бийик имараттарды куруу менен байланышкан тобокелдиктерди алууга коркушчу. Бирок кырдаал өзгөрдү.
Орун басар министрдин айтымында, «Президент Садыр Жапаровдун келиши, натыйжалуу башкарууну көрсөтүп, курулуш тармагында маанилүү прогресске өбөлгө түздү. Бүгүнкү күндө 40 кабаттуу турак жай комплексинин курулушун баштадык. Сейсмоустойчивдук жана башка критерийлер боюнча бардык зарыл изилдөөлөр жүргүзүлүп, жыйынтыктар оң болду», — деди ал.
Иманакун уулу ошондой эле адистер жана архитекторлор анализ жүргүзүп, Кыргызстан шарттарында 40 кабаттан жогору имараттарды куруу мүмкүн экенин тастыктаганын кошумчалады. «Биз 50 кабаттуу үйлөрдү жана андан жогору куруу мүмкүнчүлүгүнө ээбиз. Бул курулуш сектору үчүн маанилүү кадам», — деп жыйынтыктады ал.
