Ведомствонун маалыматына ылайык, ОсОО Arcon компаниясы өзүнүн курулуш объектилерин белгиленген реестрге каттубаган жана зарыл уруксаттарды албаган. Ошентсе да, уюм социалдык тармактар аркылуу батирлерди сунуштоону баштаган.
Компаниянын иши толугу менен токтотулду, сатуу бөлүмү жабылды. Бул иш боюнча бардык материалдар тергөө органдарына өткөрүлдү.
Курулуш министрлигинде курулуш нормаларын жана мыйзамдарын бузган ар бир компанияга тиешелүү чаралар көрүлөрүн белгилешти. Объектилерди каттоосуз батирлерди сатуу мыйзам бузуу болуп саналат жана кылмыш жоопкерчилигине алып келиши мүмкүн.
Ведомство ошондой эле жарандарды сатып алуудан мурун объектилер тууралуу реестрден маалымат текшерүүгө жана курулуштун мыйзамдуулугун тастыктаган соң гана келишим түзүүгө катуу сунуштады.
