Бул демилге «Кыргыз Республикасында лицензиялык-уруксат системасы жөнүндө» мыйзамдын алкагында ишке ашырылууда жана 2024-2028-жылдар аралыгында цифралдык трансформацияга багытталган иш-чаралар планынын бир бөлүгү болуп саналат.
Эми электрондук лицензиялар Мамлекеттик адвокаттар реестрине жайгаштырылат, ага кирүү Юстиция министрлигинин расмий сайтынан мүмкүн болот. Бул жарандарга жана мамлекеттик органдарга адвокаттын лицензиясынын актуалдуу статусун онлайн режиминде каалаган убакта текшерүүгө мүмкүнчүлүк берет.
Электрондук форматка өтүү лицензияларды жоготуу же бузуу менен байланышкан тобокелдиктерди жоюп, кайра каттоо же дубликат алуу зарылдыгын жок кылат. Мындан тышкары, бул кагаз документтерди колдонуу менен бюджеттик каражаттарды кыйла үнөмдөйт.
Келечекте электрондук лицензияларды мамлекеттик «Тундук» платформасынын мобилдик тиркемесине интеграциялоо пландалууда.
Юстиция министрлиги цифралдаштыруу боюнча өз ишин улантууда, жарандардын укуктарын камсыздоодо ачыктыкты жана натыйжалуулукту жогорулатууга умтулууда.
