Өкмөт башчысы Түркиялык бизнесмендердин ишмердүүлүгүндө кездешкен маселелерди талдоо жана жоюу менен алектенүүчү ведомстволор аралык топту түзүү тууралуу буйрукка кол койду.
Жаңы органдын мүчөлөрү бизнеске байланыштуу ар түрдүү аспектилерди, анын ичинде салык салуу, лицензиялоо, ошондой эле юридикалык жана инфраструктуралык маселелерди чечүү менен алектенишет.
Жумушчу топтун курамына Экономика жана соода министрлигинин, Юстиция министрлигинин, Тышкы иштер министрлигинин, Улуттук банктын жана башка адистештирилген мекемелердин өкүлдөрү кирди.
Топтун ишинин уюштуруу жана методикалык колдоосу Юстиция министрлиги тарабынан жүргүзүлөт.
