4 гектар аянтта 750 орундуу жаңы билим берүү мекемеси, 120 орундуу балдар бакчасы жана эс алуу зонасы куруу пландалууда.
Капсула салуу салтанатында ГКНБнын орун басары Курванбек Авазов, курулуш министринин орун басары Талант Иманакун уулу жана жергиликтүү элдин өкүлдөрү катышты.
Курулуштун каржылануы республикалык бюджеттен жүргүзүлүп, долбоорду ишке ашыруу курулуш министрлигинин турак-жай жана жарандык курулуш департаментинин көзөмөлүндө.
Долбоор боюнча мектеп үч кабаттуу болуп, спорт залы, футбол, волейбол жана баскетбол аянтчалары менен жабдылат. Курулуштун жалпы баасы 451 миллион сомду түзөт, ал эми балдар бакчасы 96 миллион сомго бааланган.
