Жалпы саламаттык сактоо чөйрөсүндөгү нормаларга байланыштуу иштеп жаткан жобого өзгөртүүлөрдү киргизүү пландалууда.
Жобонун негиздемесинде 12 жылдык билим берүү моделине өтүү даярдык топторунун санынын кыскарышына жана натыйжада биринчи класска кирген балдардын санынын көбөйүшүнө алып келери белгиленген. Бул билим берүү мекемелеринин инфраструктурасын жаңылоону, материалдык-техникалык базаны жакшыртууну жана зарыл жабдуулар менен камсыздоону талап кылат.
Сунушталган өзгөртүүлөр төмөнкү пункттарды камтыйт:
- Эгерде тамак-аш продуктуларынын сатылышы же таралышы ден соолукка зыян келтириши мүмкүн болсо, мектептен 100 метр аралыкта жайгашкан объектилерге тыюу салынат.
- Тығыз эл жашаган аймактарда жана чектелген аянттарда 4 кабаттуу башталгыч мектептерди курууга уруксат берилет. Жогорку кабатта окуу класстары эмес, кызматтык, чарбалык, рекреациялык жана кошумча педагогикалык жайлар болот.
- Тамактануучу жайларды, китепканаларды, спорттук жана акт залдарын жаратылыш жана жасалма жарык, температура режимин жана желдетүүнү сактоо, ошондой эле санитардык-гигиеналык нормаларды аткаруу шарты менен цокольдук кабаттарда жайгаштырууга уруксат берилет.
