Эки мамлекеттин президенттеринин демилгеси менен 2025-жылы бирдиктүү билим берүү мейкиндигин түзүү үчүн биргелешкен жумушчу топ түзүлгөн.
«Келечектеги пландарда — орус тилинде мектепке чейинки билим берүү программаларын ишке киргизүү, ошондой эле биргелешкен окуу китептерин иштеп чыгуу жана педагогдорду колдоо үчүн мотивациялык схемаларды киргизүү. Россия Кыргызстанга мектеп билим берүү тармагында маанилүү жардам көрсөтүүнү улантууда. Учурда 11 миң окуучуну окутууга мүмкүнчүлүк берген тогуз заманбап мектептин курулушу даярдалып жатат. Бул мекемелер бардык зарыл инфраструктура, мебелдер жана окуу материалдары менен жабдылат. Окутуу орус жана кыргыз тилдеринде жүргүзүлүп, заманбап билим берүү стандарттарына ылайык эки аттестат берилет», — деп кошумчалады ал.
Мындан тышкары, 2019-жылдан бери Кыргызстанда «Чет өлкөдөгү орус мугалими» долбоору ишке ашырылып жатат.
«2024-2025-жылдар аралыгында 200дөн ашык мугалим, анын ичинде башталгыч класстардын, физика, математика жана география адистери кыргыз мектептеринде иштеп, жергиликтүү кесиптештери менен тажрыйба жана методикалык иштеп чыгууларды бөлүштү. Алар биргелешип окутуунун жаңы ыкмаларын издеп жатышты. Биз ошондой эле Россия өкмөтү тарабынан жыл сайын бөлүнгөн квота алкагында келечектеги педагогдорду жана мугалимдерди даярдоону улантууга даярбыз», — деп белгиледи Алексей Пойда.
