Беш кабаттуу токтотуучу жай 125 унааны жайгаштыра алат
Ош шаарында жаңы муундун көп кабаттуу токтотуучу жайынын курулушу башталат. Бул тууралуу шаардык мэриянын расмий булактарынан маалым болду.
Муниципалдык бийлик органдары тыгындар жана токтотуучу жайлардын жетишсиздиги маселеси күндөн-күнгө актуалдуу болуп жатканын белгилешет. Бул чакырыктарга жооп катары жашоочулар үчүн ыңгайлуу шарттарды түзүүгө багытталган долбоор иштелип чыккан.
Жаңы токтотуучу жай Н. Исанов көчөсүндө, Ош шаарынын чыгыш бөлүгүндө жайгашып, жалпы 125 унаа үчүн орунду камтыйт.
Бул аймактын долбоорлоо иштери Ош облустук архитектура жана курулуш башкармалыгы тарабынан жүргүзүлгөн.
Сүрөт Ош мэриясы тарабынан берилген
