Окуу жайы 375 окуучуга ылайыкташтырылган
Ош облусунун Ноокат районундагы Чапаев айылында 375 окуучуну жайгаштыра турган жаңы мектептин курулушу башталды.
Кыргызстандын курулуш министрлигинин маалымат кызматынан билдиришкендей, долбоорду каржылоо республикалык бюджеттин эсебинен жүргүзүлүп, анын ишке ашырылышын турак-жай жана жарандык курулуш департаменти жүргүзөт. Курулуштун болжолдуу баасы 239 миллион сомду түзөт.
Долбоор боюнча мектеп 2479,8 квадрат метр аянтты ээлейт жана беш блоктон турат. Жаңы имаратта спорт залу бар эки кабаттуу окуу корпусу болот. Азыркы учурда фундаменттин бетондуулугу аяктаган.
Министрликтин сүрөтү
