Долбоорлоо этаптарын курулуш иштеринин этаптары менен айкалыштырууга мүмкүнчүлүк берүү пландалууда, бул, Минстройдун айтымында, инфраструктуралык жана инвестициялык долбоорлорду аткарууну тездетет.Ушул сунушталган схемага ылайык, заказчы курулуш иштерин этаптарды айкалыштырууга уруксат алгандан кийин дароо баштай алат, ошол эле учурда шаар куруу жыйынтыгы, инженердик-техникалык шарттар, долбоордук документацияны иштеп чыгуу жана мамлекеттик экспертизадан өтүү сыяктуу зарыл документтерди даярдоого киришет.
Мында техникалык регламенттерди жана шаар куруу, архитектура жана курулуш тармагындагы күчүндө болгон нормативдик актыларды сактоо боюнча толук жоопкерчилик заказчыга, башкы подрядчыга, субподрядчыларга, техникалык көзөмөлгө, иштерди аткаруучуларга, башкы архитекторго жана долбоордун башкы инженери болуп саналат. Бардык катышуучулар иштерди белгиленген сапат жана коопсуздук стандарттарына так ылайык аткарууну камсыз кылышы керек.
Долбоор конкреттүү мөөнөттөрдү белгилейт: заказчы бардык зарыл документтерди 45 күндүн ичинде алышы керек. Андан кийин объект курулуп жаткан объекттердин реестрине киргизилет. Министрлик бул мөөнөттү бир жолу узартууга укуктуу, бирок бул үчүн жазуу түрүндөгү тиешелүү негиздеме болушу керек.
Эгер заказчы көрсөтүлгөн мөөнттө ишти бүтүрбөсө, айкалыштырууга берилген уруксаттын иши бир айга токтотулат. Бул мөөнөт кемчиликтерди же жетишпеген документтерди жоюу үчүн берилет. Эгер бул убакыт өткөндөн кийин талаптар аткарылбаса, уруксат жокко чыгарылат.
Мындан тышкары, долбоор техникалык регламенттерди же уруксаттын шарттарын бузуу автоматтык түрдө документтин токтотулушуна алып келерин көздөйт. Иштерди кайра баштоо бардык бузулуулар жоюлгандан кийин гана мүмкүн болот. Ошол эле учурда заказчы токтотуу же уруксатты жокко чыгаруу боюнча чечимдерди мыйзамда белгиленген процедураларга ылайык талашууга укуктуу.
