Бул долбоорго ылайык, 2026-жылдын 1-январынан баштап алты айлык мөөнөт менен айрым көчөттөрдүн импортун чектөө пландалууда. Ошол эле учурда реэкспорт, транзит жана Евразия экономикалык биримдигинин (ЕАЭБ) ичинде товарларды өткөрүү бул тыюуга кирбейт.
Долбоорго берилген түшүндүрмөдө, бул чара өлкөнүн азык-түлүк коопсуздугун жогорулатууга, айыл чарба өндүрүшүнүн натыйжалуулугун жакшыртууга жана алып келинген көчөттөрдүн сапатын көзөмөлдөөгө багытталгандыгы белгиленген.
Экономика жана соода министрлигине убактылуу чектөөлөрдү киргизүү тууралуу Дүйнөлүк соода уюмунун коргоо чаралары боюнча комитетин жана Евразия экономикалык комиссиясын маалымдоо тапшырылды. Өз кезегинде, Тышкы иштер министрлиги ТМДнын Аткаруу комитетин маалымдашы керек.
Ошондой эле, бажы кызматына жана Су ресурстары, айыл чарба жана кайра иштетүү өнөр жайы министрлигине тыюу салынган категориядагы көчөттөрдүн мыйзамсыз алып келинишин алдын алуу боюнча чараларды көрүү сунушталды.
