Маданият министрлигинин маалымат кызматынын маалыматына ылайык, фестиваль Индия өкмөтүнүн демилгеси менен уюштурулган жана Кыргызстандан келген чыгармачылык топтор эл аралык аренада өз өлкөсүн маданий элчилер катары көрсөтүүдө.
Фестивалдын алкагында кыргыз элинин тарыхы жана руханий мурасы көрсөтүлгөн көркөм программа сунушталат. Ага улуттук кийимдер, байыркы музыкалык аспаптар жана «Манас» эпосуна негизделген көрсөтүүлөр кирет.
2025-жылдын октябрь айында Жалал-Абад облустук Т. Тыныбеков атындагы филармониянын 12 адамдан турган «Мөлмөл» элдик музыкалык аспаптар оркестри Индияда IX эл аралык «Рамаяна» элдик фольклордук музыкалык аспаптар фестивалында катышканын белгилеп өтүү керек.
