Областтык милициянын басма сөз кызматы билдиргендей, быйыл коопсуздукту камсыздоо, кылмыштуулукка каршы күрөшүү жана кызматтык милдеттерди аткарууда жогорку кесиптик жөндөмдөрүн көрсөткөн кызматкерлер тандалды. Мындан тышкары, коомдук иш-чараларга активдүү катышкан ардагерлер кеңешинин көрүнүктүү өкүлдөрү сыйлыктарга ээ болушту.
«Эң мыкты адис» жана «Эң мыкты ардагерлер кеңеши» конкурстарынын лауреаттары дипломдор, желектер жана ленталар менен сыйланды.
«Эң мыкты ардагерлер кеңеши» категориясында:
Биринчи орунду Кызыл-Кий шаардык ички иштер бөлүмүнүн ардагерлер кеңешинин төрагасы, запастагы милициянын подполковниги Турдубаев Абдимиталип Абдразакович ээледи.
Экинчи орун Баткен райондук ички иштер бөлүмүнүн ардагерлер кеңешинин төрагасы, запастагы милициянын прапорщиги Амиракулов Кубанычбек Аликановичке берилди.
Үчүнчү орун Лейлек райондук ички иштер бөлүмүнүн ардагерлер кеңешинин төрагасы, запастагы милициянын майору Рустамов Бактыбек Сатаровичке тийди.
Милициянын полковниги Улан Жукенов, Баткен облусунун Ички иштер башкармалыгынын начальниги, Баткен районунун ички иштер органдарынын ардагерлери — Абдуллаев Абдумалик Исмаилович жана Акматов Аппазхан Жалалхановичти 60 жылдык юбилейи менен куттуктады. Иш-чаранын жүрүшүндө аларга ак калпак, куттуктоо каттары жана Ички иштер министрлигинен сыйлыктар тапшырылды.
