Бишкекте ушул күндөрү киберкоопсуздукка арналган эл аралык конференция өтүп жатат. Талкуунун темасы уюштуруу-укуктук маселелер, эл аралык жана улуттук стандарттар, ошондой эле Борбордук Азия өлкөлөрүнүн улуттук коопсуздугуна таасир эткен актуалдуу коркунучтар жана чакырыктар болду.
Бул иш-чаранын негизги максаты Борбордук Азияда киберкоопсуздукту күчөтүү, технологиялардын тез өнүгүү шартында жаңы чакырыктарга каршы күрөшүү боюнча жалпы мамилелерди иштеп чыгуу, ошондой эле катышуучулар арасында тажрыйба алмашуу.
Конференцияга Казакстан, Өзбекстан, Тажикстан, Россия жана Кыргызстан өкмөттөрүнүн өкүлдөрү жана илимпоздор катышып, өздөрүнүн илимий иштерин сунуштап, өлкөлөрүндөгү киберкоопсуздук боюнча учурдагы иш-чаралар тууралуу маалымат бөлүшүшүүдө.
Форумдун катышуучуларынын арасында президенттин администрациясынын кызматкерлери, ар кандай министрликтердин жана ведомстволордун өкүлдөрү, укук коргоо жана салык органдарынын кызматкерлери, ошондой эле коомдук жана эл аралык уюмдардын, изилдөө борборлорунун эксперттери жана чет өлкөлүк адистер бар.
