Жогорку Кенештин жыйынында депутат Улукбек Карыбек уулу Россияда жүргөн мигранттарга байланыштуу маанилүү маселелерди көтөрдү. Ал жаңы көзөмөл системасынын талаптарынан улам мекендештерибиздин туш болгон кыйынчылыктары тууралуу билдирди.
Карыбек уулу мигранттар үчүн юридикалык колдоону күчөтүүнү жана консулдук кызматтарга алардын укуктарын активдүү коргоону тапшырды.
Мындан тышкары, ал борбордун теңсиз өнүгүү маселесин көтөрдү.
«Бишкектин жогорку зонасында активдүү өнүгүү байкалууда: жаңы мектептер, жолдор салынып, суу менен камсыздоо жүргүзүлүүдө. Бирок төмөнкү зона, анын ичинде Свердлов районундагы «Дордой» базарынын аймагы тиешелүү көңүл буруусуз калууда. Мен бюджетти бөлүштүрүүдө бул турак жай массивдерин эске алууну суранам», - деп кошумчалады депутат.
