Депутат экологияга жана калктын ден соолугуна таасирин текшерүүнү сунуштады
Жогорку Кенештин жыйынында депутат Гулай Машрапова Кара-Сууй районундагы асфальт-бетон заводунун иштешине көңүл бурду.
Ал Манас айыл аймагында, Беш-Мойнок айылынан 300 метр алыстыкта, 2025-жылы «Вега Строй» компаниясы тарабынан асфальт фабрикасы курулганын айтты. Заводдун иши башталгандан бери жергиликтүү тургундар үйлөрүнө карай бурулган түтүнгө нааразы болуп, ыңгайсыздык тартып жатышат.
Депутат 20-декабрда заводдун жаман аба ырайы себептүү убактылуу ишин токтотконун, бирок аба ырайы жакшыраса, өндүрүш кайрадан башталат деп күтүлүп жатканын белгиледи.
Бул жагдайга байланыштуу Гулай Машрапова президенттин жана Министрлер Кабинетинин парламенттеги өкүлү Алмасбек Абытовго заводдун ишин текшерүү, анын экологияга жана тургундардын ден соолугуна болгон таасирин баалоо үчүн атайын комиссия түзүү сунушу менен кайрылды жана бул маселени жеке көзөмөлгө алууну өтүндү.
Сүрөт www
