22-январда Сузак районунда «АгроЗооВет-2026» окуу караванынын алкагында семинар өткөрүлдү. Бул тууралуу маалыматты Кыргыз Республикасынын Су ресурстары, айыл чарба жана кайра иштетүү өнөр жайы министрлиги берди.
Иш-чаранын жүрүшүндө катышуучуларга мал чарбачылык жана ветеринариянын ар кандай аспектилери, ошондой эле жем-азык ресурстарын жакшыртуу боюнча материалдар сунушталды. Мамлекеттик колдоо чаралары жана аграрийлер үчүн финансылык камсыздоо мүмкүнчүлүктөрү талкууланды.
Бул семинардын негизги максаты фермерлердин жана агрардык сектордун адистеринин квалификациясын жогорулатуу, заманбап агротехнологияларды киргизүү жана айыл чарбасын өнүктүрүү боюнча актуалдуу маалымат берүү болду.
