27-29-январь аралыгында Кыргызстандагы тоо райондорунда күтүлгөн жаан-чачындардан улам лавиналар болушу мүмкүн. Бул тууралуу Өзгөчө кырдаалдар министрлигинин (ӨКМ) маалымат кызматынан билдиришти.
Ведомствонун маалыматына ылайык, Бишкек-Ош автожолунун (198-255 км, Ала-Бель ашуусу, Чычкан капчыгайы) жана Каракол-Энилчек жолунун (45-90 км, Чон-Ашуу ашуусу) аймактарында кар лавиналарынын түшүшү, ошондой эле кардын калыңдыгы, кар тоңуу жана муздак шарттардын пайда болушу күтүлүүдө.
Ошондуктан, айдоочуларга лавиналар болушу мүмкүн болгон кооптуу участкалардан өтүүдө 500 метр аралыкты сактоосу сунушталат.
