Кыргыз Республикасынын Франциядагы элчиси Садык Шер-Нияз «Кабар» агенттигинин подкастында Кыргызстан экономикасына эл аралык басылмалардын өсүп жаткан кызыгуусу тууралуу маалымат берди.
Ал акыркы убакта өлкөнүн социалдык-экономикалык өнүгүүсүндөгү жетишкендиктерди баса белгилеген публикациялардын көбөйгөнүн белгиледи.
«Дүйнөдөгү алдыңкы медиа катары белгилүү Bloomberg басылмасы Кыргызстан экономикасын жолбарыс менен салыштырды. Бул маанилүү таанытуу. Мындай материалдар биздин өлкөнүн потенциалын ачыкка чыгарууга жана эл аралык аренада алга жылдырууга жардам берет», — деди ал.
Садык Шер-Нияздын айтымында, авторитеттүү дүйнөлүк медиа өкүлдөрүнүн кызыгуусу Кыргызстандын имиджине оң таасир этет жана аны глобалдык сахнада көрүнүктүү кылат.
