Фестивал тууралуу Оргочор айылдык аймагынын башчысы Нурдин Жусупов мындай деди:
«Туризм тармагын жандандыруу максатында Ак-Таш капчыгайында нефрит ташы табылган жерде фестивал өткөрдүк. Биз чоң долбоорду ишке ашыруунун босогосунда турабыз. Заманауи капсула үйчөлөр жана A-frame формасындагы үйлөр курулат, ошондой эле кышкы жана жайкы спорттун түрлөрү боюнча бир катар иштер жүргүзүлөт. 182 тонна салмактагы нефрит ташынын айланасы тосулуп, айнек менен жабылат, жана коноктор аны жогору жактан көрө алышат. Долбоор «Сарт аке» эс алуу зонасы деп аталат», - деди ал.
Ошондой эле, райондун акими Эрмек Бахавадинов фестивалдын негизги максаты — туристтик тармакты өнүктүрүү, Джети-Огуздун кооз жерлерин жана «жети кереметти» жайылтуу экенин белгилеп, райондун жогорку туристтик потенциалын айтты.
Фестивалда кол өнөрчүлөрдүн көргөзмөсү жана азык-түлүк көргөзмө-ярмаркасы уюштурулду. Райондун мектептери жана бала бакчалары «Ак илбирс» темасында ар кандай формаларда даярдалды. Бул үчүн атайын конкурс өткөрүлүп, жеңүүчүлөргө сыйлыктар тапшырылды.
Бул күнү ошондой эле шананын үстүндө тебүү, аркан тартыш, «ордо» оюндары, салбуурун жана жебе менен атуу өткөрүлдү. Коноктор аба шарында учуп, бийиктиктен кооздуктарды тамашалашты. Мындан тышкары, ат менен шаналарда тебүү мүмкүнчүлүгү болду.
Фестивалга болжол менен 4 000 жергиликтүү жана чет элдик турист катышты.
