Учурдагы жылдын башынан тартып, айрым тармактарда, анын ичинде тигүү цехтери жана зергер буюмдарын соодалаган компанияларга салык жеңилдиктери берилет деп чечилди.
«Биз ишкерлерди салык кызматы сунуштаган жаңы жеңилдиктер тууралуу активдүү маалымдап жатабыз. Киреше салыгы азыр 90%га төмөндөтүлдү: мурдагы 10%дан болгону 1% калды. Социалдык төлөмдөр да 60%га азайтылды. Бул көптөгөн ишкерлерге өз иштерин мыйзамдуу жана кыйынчылыктарсыз жүргүзүүгө мүмкүндүк берет, мыйзамга ылайык милдеттүү төлөмдөрдү аткарып», — деди ал.
Мындан тышкары, унаа, жылжымайтын мүлк жана зергер буюмдарын сатып алуу-сатуу боюнча текшерүүлөргө байланыштуу талаптар өзгөртүлдү. Ишкердик жүргүзүү тартиби боюнча түшүндүрүү иш-чараларына көңүл бурулат, салык текшерүүлөрүнө мораторий киргизилет деп маалымдалды.
Бүгүнкү күндө Ошто 160 тигүү цехи жана зергер буюмдарын соодалаган 462 ишкер катталган. Бул көрсөткүч өсүүнү улантууда», — деп кошумчалады А. Абдырай уулу.
