«Тешик-Таш» базарындагы аймакты текшерүү учурунда Ош шаарынын мэри Женишбек Токторбаев объекттин учурдагы абалын баалады.
Мэрия тарабынан берилген маалыматка ылайык, текшерүүнүн жыйынтыгы боюнча тиешелүү мекемелердин жана ишканалардын жетекчилерине базарды жаңы, бардык талаптарга жооп берген соода объектине тез арада көчүрүү боюнча көрсөтмөлөр берилди.
Шаар башчысы соода орундарын тартипсиз жайгаштыруу жол кыймылын кыйындатат, жарандардын коопсуздугуна коркунуч туудурат жана санитардык нормаларды бузат деп белгиледи. Ал соода жүргүзүүнү белгиленген эрежелерге ылайык тартипке келтирүүнүн зарылдыгына көңүл бурду.
«Арнайы кызматтарга так көрсөтмөлөр берилди, көчүрүү процессинде ишкерлер үчүн ыңгайлуу шарттарды түзүү, аларга соода жүргүзүү үчүн альтернативдүү жайларды сунуштоо жана калкты маалымдоо керек», - деп айтылат билдирүүдө.
