Бүгүн Ош шаарынын мэри Женишбек Токторбаев эртең мененки рейдди Мамажан жана Алымбек Датка көчөлөрүнүн кесилишинен баштады, деп билдирди шаардык администрация.
Обход учурунда мэр Алымбек Датка көчөсүн кеңейтүү алкагында жолдун боюна мыйзамсыз курулуштарды жана имараттарды бузуу боюнча буйрук берди. Мындан тышкары, соода жайлары үчүн турак жайларды мыйзамсыз пайдалануу учурларын аныктоо тапшырмасы берилди.
Шаар башчысы ошондой эле көчөнүн кеңейиши менен байланыштуу айрым үй ээлери «Эне-Сай» турак жай массивине көчүрүлөрүн белгиледи.
Учурдагы долбоорлор шаардык инфраструктураны олуттуу жакшыртууга багытталгандыгы баса белгиленди.
