9-декабрда Бишкектеги Т. Сатылганов атындагы Кыргыз улуттук филармониясында Алымбек Датканын 225 жылдыгына жана академик Мууса Адышевдин 110 жылдыгына арналган салтанаттуу иш-чара өттү. Илимий министрликтин пресс-релизинде билдирилгендей, салтанат Алымбек Датканын тарыхый мурасын жана академик Мууса Адышевдин илимий жетишкендиктерин чагылдырган документалдык материалдардын көрсөтүлүшү менен башталды.
Салтанатка Кыргыз Республикасынын илим, жогорку билим берүү жана инновациялар министри Бактияр Орозов, мамлекеттик катчы Арслан Койчиев жана академиктин уулу — Иллинойс университетинин профессору Жаныбек Адышев катышты.
Министр Бактияр Орозов катышуучуларга кайрылып, тарыхый жана илимий мурастын маанилүүлүгүн белгиледи. Ошондой эле, илимий коомчулуктун өкүлдөрү да иш-чарада сөз сүйлөп, Алымбек Датка менен Мууса Адышевдин Кыргызстандагы илим жана тарыхтын өнүгүшүнө кошкон салымын белгилешти. ```
