Маданият министрлигинин маалыматына ылайык, иш-чарада композитордун эң жаркын жана белгилүү чыгармалары, кыргыз музыкалык искусствосунун алдыңкы аткаруучулары тарабынан аткарылат.
Концертте кыргыз операсынын солисттери, А. Джумахматов атындагы Мамлекеттик академиялык симфониялык оркестри, А. Малдыбаев атындагы Кыргыз улуттук опера жана балет театрынын симфониялык оркестри, «Манас» президенттик камералык оркестри, ошондой эле Кыргыз улуттук опера жана балет театрынын, К. Молдобасанов атындагы Кыргыз улуттук консерваториясынын жана М. Куренкеев атындагы Мамлекеттик музыкалык окуу жайынын өкүлдөрүнөн турган бириккен хор чыгышат.
Концертти Кыргыз Республикасынын эл артисти Рахатбек Осмоналиев жана Медет Осмонов жетектешет.
