Бишкекте 6-февралда Кыргызстандын табигый ресурстар, экология жана техникалык көзөмөл министринин орун басары Алмаз Мусаев менен Франциянын республикадагы элчиси Николай Файдын ортосунда жолугушуу өттү.
Жолугушуу учурунда француз тараптын өкүлдөрү Кыргызстандын 2026-жылы Ереванда өтө турган COP21 конференциясына катышуусун колдоого даяр экендигин билдиришти, ошондой эле биоалуантүрдүүлүк маселелери боюнча сайд-ивенттерди уюштурууда жардам сунушташты.
Мындан тышкары, биоалуантүрдүүлүктү сактоо, табигый корголуучу аймактарды коргоо жана сейрек кездешкен жаныбарларды коргоо боюнча биргелешкен кызматташтык мүмкүнчүлүктөрү талкууланды.
Алмаз Мусаев биоалуантүрдүүлүктү сактоо боюнча жүргүзүлүп жаткан иштерге, анын ичинде Улуттук стратегия жана аракеттер планы (NBSAP) иштеп чыгууга көңүл бурду, ошондой эле Кыргызстандын тоо экосистемалары жана мөңгүлөрүнүн климаттык өзгөрүүлөргө каршы уязвимдүүлүгүн белгиледи.
Жолугушуунун жыйынтыгы боюнча тараптар кызматташтыкты өнүктүрүү жана бекемдөө боюнча кызыгуусун билдиришти.
