Чикагода Кыргызстандын жараны Б.Б.нын катышуусунда болгон жол кырсыгына байланыштуу Кыргыз Республикасынын Тышкы иштер министрлиги төмөнкү маалыматты берет:
«Б.Б.нын туугандары менен министрликте жолугушуу уюштурулду. Мындан тышкары, Чикагодагы Кыргызстандын башкы консулдугу кармалган адам менен байланыш орнотту. Телефон аркылуу сүйлөшүү учурунда юридикалык кеңеш берилди, ал учурда кийинки кадамдар боюнча сунуштар берилди».
Ошондой эле, Б.Б.нын кайда кармаларын чечкенден кийин, консулдук кызматкерлерин жеке жолугушуу өткөрүү үчүн жиберүү пландалууда.
«Министрлик жана Кыргыз Республикасынын консулдук мекемелери кырдаалды тыкыр көзөмөлдөп, жарандын үй-бүлөсү менен туруктуу байланышта болуп, өз ыйгарым укуктарынын алкагында зарыл юридикалык жардам көрсөтүп жатышат», - деп кошумчалашты ведомстводон.
