Баткен облусунда «Автомобиль жолдорун жана жол жамгактарын тейлөө үчүн жабдууларды жакшыртуу» долбоорунун алкагында атайын техниканы өткөрүп берүү салтанаты өттү.
Иш-чарада Япониянын Кыргызстандагы элчиси Хирано Рюити, JICAнын туруктуу өкүлү Нишигато Котаро, транспорт жана байланыш министринин биринчи орун басары Бекназар Базаралиев, ошондой эле Баткен облусундагы президенттин ыйгарым укуктуу өкүлү Айбек Шаменов жана жергиликтүү бийлик өкүлдөрү катышты.
Япон агенттиги JICAнын колдоосу менен регион 43 бирдик жол куруу техникаларын жана саатына 35 тонна өндүрүүчү асфальт-бетон заводун алды.
Облус башчысы бул кызматташтыктын маанилүүлүгүн белгилеп, Япония Кыргызстанды ар дайым колдоп турганын айтты: «JICA биздин өз ара аракеттешүүбүздү кеңейтүүдө ишенимдүү өнөктөш», - деп кошумчалады.
Жаңы асфальт-бетон заводунун ишке кириши жолдорду куруу жана оңдоодо жогорку сапат жана убагында аткарууну камсыз кылат, ал эми заманбап техника жол жамгактарын сактоодо иштерди кыйла тездетет.
Өкүлчүлүктүн маалыматына ылайык, 2025-жылы Баткен облусунда 84 км жол асфальтталган жана 56 км гравий жолдор курулган. Учурдагы жылы 300 км асфальттоо жана 100 км гравий жолдорду куруу жана оңдоо пландалууда. ```
