Ош шаарында бүгүн «Кокум-Бий» аттуу жаңы бала бакчанын ачылышы болуп өттү, ал 280 баланы кабыл алууга мүмкүнчүлүк берет, деп билдирет жергиликтүү мэрия.
Иш-чарада мэр Жеңишбек Токторбаев, Ош шаардык кенешинин төрагасы Болотбек Баетов жана шаар тургундары катышты.
Бала бакча заманбап стандарттарга толук жооп берет: анда жарык жана кенен группалар, оюн аянтчалары, ошондой эле балдар үчүн коопсуз жана ыңгайлуу шарттар каралган.
Эскерте кетсек, 1998-жылы №70 «Кокум-Бий» бала бакчасынын имараты мыйзам бузуу менен жеке менчикке өткөрүлгөн. Ал шаарга кайтарылган соң, мэр тарабынан фасадды боёп, ички жасалгалоо жана балдар үчүн оюн зоналарын түзүү боюнча иштер башталган. Шаардын социалдык инфраструктурасын жакшыртуу боюнча иштер улантылат. ```
