Жыйында 2026-жылга жарандык коргонуу тармагындагы даярдык пландары сунушталды жана 12-13-февралга пландалган штабдык машыгууларды өткөрүүнүн деталдары талкууланды.
Ошондой эле катышуучуларга өзгөчө кырдаалдын коркунучунда жана анын пайда болгон учурда жарандык коргонуу кызматтарынын аракеттери, керектүү ресурстарды тартуу жана ведомстволор аралык өз ара аракеттенүү тууралуу маалымат берилди.
Мэр Ормоков штабдык машыгууларды жогорку сапатта өткөрүүнүн маанилүүлүгүн белгилеп, жетекчилерге бул ишке жоопкерчиликтүү мамиле кылуунун маанилүүлүгүн эскертти.
Бул иш-чаралардын негизги максаты — өзгөчө кырдаалдардын алдын алуу, даярдыктын жогорулатылышы жана тиешелүү кызматтар арасында кызматташтыктын күчөтүлүшү.
