2026-жылы Бишкекте зыянкечтерден жана жетишсиз сугаруудан жабыркаган эски дарактардын ордуна жаңы көчөттөр отургузулат. Мындан тышкары, өсүмдүктөрдүн эффективдүү өсүшү үчүн заманбап сугаруу системаларын орнотуу пландалууда.
Башкы шаар мэри Айбек Джунушалиев Ала-Арча дарыясынын жана Чүй каналынын боюнда эс алуу зоналарын уюштуруу пландары тууралуу коллегиянын жыйынында билдирди.
Проекттин алкагында 48 гектар жерди камтыган питомник түзүү, жалпы аянты 9600 квадрат метр болгон беш заманбап теплицанын курулушу жана 50 миң көчөт сатып алуу пландалууда. Ошондой эле сугаруу үчүн 21 км түтүктөрдү орнотуу жана 5 кмден ашык сугаруу системаларын орнотуу иштери жүргүзүлөт.
Аламудун жана Ала-Арча дарыяларынын жээктерин тазалоо иштерин улантуу, анын ичинде таштандыны чыгаруу жана жергиликтүү тургундар менен экологиялык жана рекреациялык долбоорлорго кызыккан инвесторлор үчүн эс алуу зоналарын даярдоо пландалууда.
Эскерте кетсек, 12-февралда «Тунгуч» театрында Бишкек мэриясынын коллегиясынын жыйынтыкталган жыйыны өтүп, анда Кыргыз Республикасынын президентинин администрациясынын жетекчиси Адылбек Касымалиевдин жетекчилиги менен 2025-жылдагы шаарды социалдык-экономикалык өнүктүрүүнүн жыйынтыктары жана 2026-жылга милдеттер талкууланды.
