Торжествонун өткөрүлгөн жери шаардык мэриянын акттык залында болду.
Иш-чарада мэр Эрнисбек Ормоков, шаардык кенештин төрагасы Нуртилек Болотов, Афганистандагы согуштун ардагерлери жана согуш талаасынан кайтып келбегендердин жесирлери катышты.
Мэр өз сөзүндө согуштун катышуучуларына, алардын үй-бүлөлөрүнө жана конфликт учурунда жаракат алган майыптарга шаардык бюджеттен жыл сайын 2000 сом жардам берилгенин билдирди. Ал быйылкы жылы биринчи жарым жылдын жыйынтыгы боюнча сумма 5000 сомго чейин жогорулаарын убада кылды.
Афганистандагы он жылдык конфликтке Манас шаарынан 138 жоокер катышкан, алардын бүгүнкү күндө 117си тирүү.
Тарыхый маалымат: Афганистандагы согуш — 1979-жылдан 1989-жылга чейин Афганистандын аймагында болгон куралдуу конфликт.
Бул конфликтте негизги тарап катары Советтер Союзу (СССР) чыгып, афган өкмөтүн колдоо үчүн өз аскерлерин жөнөттү.
Согуш СССР тарабынан колдоого алынган өкмөттүк күчтөр менен жергиликтүү моджахеддердин ортосунда жүрдү. Конфликттин натыйжасында он миңдеген адамдар өлдү, миллиондогон адамдар качкынга айланды.
