Бул тууралуу Turmush маалымат агенттигинин кабарчысы жергиликтүү айыл өкмөтүнүн маалыматына таянып билдирди.
Иш-чарага Афганистанда кызмат өтөгөн ардагерлер, ошондой эле айыл өкмөтүнүн өкүлдөрү, айылдык кеңештин төрагасы жана аксакалдар сотунун башчысы катышты.
«Эл аралык жоокерлердин баатырдыгын чоң сый-урмат менен эске алдык. Жоголгон жана өмүрдөн кеткендердин рухуна арнап, куран окулду», — деп айтылат маалыматта.
Сокулук районунда бүгүнкү күндө 141 Афган согушунун ардагерлери жашайт, алардын 24ү Сары-Озон айылдык аймагынын тургундары.
