Кыргызстандын суу ресурстары, айыл чарба жана кайра иштетүү өнөр жайы министрлиги жүзүмчүлүк тармагында оң өзгөрүүлөр жөнүндө маалымдайт.
2025-жылдын жыйынтыгы боюнча өлкөнүн жүзүм бактарынын аянты 2870 гектарды түздү, бул 2024-жылга салыштырмалуу 225 гектарга көп, бул 8,5% өсүүгө туура келет. Ошол эле учурда жалпы жыйым 5990,1 тонна болуп, өткөн жылга салыштырмалуу 1% га өстү. Орточо түшүм гектардан 20,5% га жетти.
Бул тармакты колдоо максатында 2025-жылдын январь айынан май айына чейин Сербиядан жүзүм көчөттөрү алынып келинди, алар карантиндик фитосанитардык текшерүүдөн өтүп, вируссуздук жана техникалык мүнөздөмөлөр боюнча тандалган.
Баткен облусунун Лейлек районунда жүзүмчүлүк боюнча демилгелер активдүү өнүгүүдө. Жаңы-Жер айылдык аймагында жергиликтүү кооперативдер «аватар» жана «кишмиш» сортторунун көчөттөрүн өстүрүү менен алектенишет. Ошондой эле «аватар», «Моникур Сингер» жана «кишмиш» сортторунун көчөттөрүн өндүрүүгө адистешкен жаңы питомник түзүү пландалууда.
Мындан тышкары, агрардык тармакта санариптик кызматтарды жакшыртуу үчүн Агропортал иштеп жатат. Бул платформа фермерлерге мамлекеттик кызматтарды онлайн режиминде алууга, ошондой эле өз тармагындагы актуалдуу жаңылыктар жана маалыматтарды көзөмөлдөөгө мүмкүнчүлүк берет. Учурда тарифтик квоталар, тукумдук чарбаларды каттоо, балык уулоочу билет алуу, ошондой эле биологиялык коргоо жана агрохимиялык кызматтар сыяктуу кызматтар жеткиликтүү.
Агропортал айыл чарбасын санариптештирүү жана бул тармактын бардык катышуучулары үчүн бирдиктүү маалыматтык мейкиндикти түзүү үчүн түзүлгөн.
