Turmush агенттигинин кабарчысы берген маалыматка ылайык, иш-чарага Советтик армияда кызмат кылган жана Сары-Толой менен Кен-Суу айылдарында жашаган үч ардагер чакырылды. Айылдык аймактын кызматкерлери ардагерлерге ыраазычылык билдиришти.
Иш-чараны Каркыра айыл өкмөтүнүн маданият кызматкерлери мектеп окуучулары менен биргеликте уюштурушту. Ардагерлер сыйлыктарга ээ болуп, жаштар менен согуш тууралуу эскерүүлөрүн бөлүшүп, патриотизмдин маанисине жана тынчтыктын баасына көңүл бурушту.
Программада жергиликтүү эки мектептен 5-6-класстын окуучулары да катышып, ар түрдүү конкурстарда атаандашып, патриоттук ырлар жана бийлерди камтыган чыгармачылык номерлерин көрсөтүштү.
