Бишкекте борбордук мечиттин деталдуу 3D модели пайда болду.
Бул ишти эл аралык картографиялык сервис 2ГИС мусульмандар үчүн Рамазан айына арнап аткарды.
Компаниянын маалыматына ылайык, эми колдонмо колдонуучулары борбордун негизги көрүнүктүү жайын архитектуралык нюанстарын, минареттерин, фасадын жана тегерегиндеги аймакты жогорку детализация менен изилдей алышат.
2ГИСтин өкүлдөрү: «Биз борбордук мечиттин Бишкектин тургундары жана туристтери үчүн кандай маанилүү экенин түшүнөбүз, айрыкча Рамазан мезгилинде. Биздин максатыбыз навигациялык объектти гана эмес, шаарбыздын архитектурасынын кооздугун чагылдырган санариптик символду түзүү болду. Модель үстүндө иштөө узак убакытты алды, майрамга чейин тургундар 3D-дизайнерлерибиздин эмгегин баалай алышы үчүн».Мындан тышкары, 2ГИС колдонуучуларга мечитке барууну ыңгайлуу пландаштырууну сунуштайт:
Навигация: колдонмо авто саякатчылар, коомдук транспорттун жүргүнчүлөрү жана жөө адамдар үчүн оптималдуу маршруттарды сунуштайт.
Кирүү: аймакка жана имаратка кирүү жолдору картада так көрсөтүлгөн.
Инфраструктура: колдонуучулар жакынкы токтотуучу жайларды жана авто токтотуучу жайларды оңой таба алышат.
Имам Сарахси атындагы мечиттин 3D модели азыр 2ГИС мобилдик колдонмосунда iOS жана Android платформалары үчүн, ошондой эле 2gis.kg сайтында жеткиликтүү. Объектти деталдуу карап чыгуу үчүн, картадан мечитти таап, сүрөттү чоңойтуу же анын иконкасына басуу жетиштүү.
