Талас облусунун ИИБинин маалымат кызматынын маалыматына ылайык, бул иш-чаралардын жүрүшүндө ата-энесиз же мыйзамдуу өкүлдөрсүз түнкү убакта көчөдө жүргөн 17 жашы жете элек бала табылган. Бул балдардын ата-энелерине Кыргыз Республикасынын укук бузуулар кодексинин 74-беренесине ылайык, балдардын ден соолугун коргоо жана алардын ар тараптуу өнүгүүсү менен байланышкан мыйзам бузуулар боюнча протоколдор түзүлгөн. Ошондой эле, ата-энелерге мыйзамга ылайык милдеттерин эскерткен түшүндүрүү сүйлөшүүлөрү өткөрүлгөн.
Мындай иш-чаралардын негизги максаты жаштар арасында укук бузууларды жана кылмыштарды алдын алуу, ошондой эле чоңдордун көзөмөлүндө жок болгон өспүрүмдөрдү аныктоо болуп саналат.
Кийинчерээк жашы жете элек балдардын коопсуздугун камсыздоо жана укук бузууларды алдын алуу үчүн мындай рейддерди улантуу пландалууда, деп маалымдалат пресс-релизде.
