Иш-чаранын жүрүшүндө милиция кызматкерлеринин ата-энелери медалдар менен сыйланды.
Ведомстводон билдиришкендей, майрамды уюштурууга райондук ички иштер бөлүмүнүн жетекчилиги жана милициянын аял кызматкерлери катышкан.
«Ата Мекенди коргоочулардын күнүнө арналган бул иш-чаранын өзгөчөлүгү, милициянын ардагерлери жана кызматкерлердин ата-энелери сыйлыктар менен белгиленгендигинде. Айрыкча, милициянын ардагерлери Кабакбек Кулов «Кыргыз милициясынын 100 жылдыгы» юбилейлик медалын, Мир Бейшегулов «Кадырман ата» нагруддук белгисин, ал эми Тамара Бейшегулова жана Анаркүл Абдыракманова «Кадырман эне» белгиси менен сыйланышты», — деп билдирилди пресс-релизде.
Майрамдын соңунда спорттук иш-чаралар өткөрүлдү: ардагерлер жана милиция кызматкерлери волейбол турнирине катышышты, ошондой эле ыйык Рамазан айына арналган майрамдык обед уюштурулду», - деп кошумчалашты билдирүүдө.
