Курулуш министри Нурдан Орунтаев эл аралык «Ош» аэропортундагы жаңы аэровокзал комплекси курулуш аянтчасын зыярат кылды. Курулуп жаткан объекттин жалпы аянты 26 миң чарчы метрди түзөт жана ал алты бөлүктөн турат: А1, А2, Б1, Б2, В1 жана В2.
Министрликтен билдиришкендей, учурда монолиттик иштердин 95% аяктаган, ал эми биринчи кабаттагы инженердик системаларды орнотуу иштери жаңыланган долбоордук сметалык документация алынганга чейин токтотулган. Подвалдык жайларда электр камсыздоо, желдетүү, канализация жана суу камсыздоо иштеринин 80% аяктаган.
Министр курулуш иштерин сапаттуу жана убагында аяктоонун маанилүүлүгүнө, ошондой эле долбоордук документацияга оперативдүү өзгөртүүлөрдү киргизүү зарылдыгына көңүл бурду. Ал процессин тездетүү үчүн учурда 120 адамды түзгөн жумушчулардын санын эки эсе көбөйтүү пландалып жатканын белгиледи.
Курулуш иштер 2025-жылдын 25-апрелинде башталган, азыр болсо коюлган милдеттерди аткарууда жогорку темпти сактоо маанилүү.
